البارت الثاني...
سارت يلست في الصاله اطالع التلفزيون وتمت اتجلب فالقنوات لين مالقت لها فلم حلو وتمت اتطالعه ومر عيسى وشافها جان يسير ويتيلس عندها وحليلها كانت مند مجه بالفلم وهو الاخ فاج حلجه يبحلق فيها جان اتصد صوبه وبدلع:اعتقد الفلم في التلفزيون مب فـ ويهي .. وحليله قفط ويه ابتسم لها وسار غرفته...وهو ساير لقى اخته سلوم توها ناشه:صباح الخير
سلامه:صباح النور غريبه شو مقعدنك من وقت ماخبرك تنش من وقت
عيسى:ماياني ارقاد من امس وانتي اصلا شو خصج!!
سلامه:توك اشحلاتك مسرعك انجلبت
جان تظهر العنود من الغرفه:السلام عليكم
عيسى وسلامه:وعليكم السلام والرحمه
سلامه:هيه صح وين شماني؟؟!!
عيسى:تحت تطالع تلفزيون
العنود بصوت واطي: على طاري شمو بقولكم شي
عيسى وسلامه:شو شو السالفه!!
العنود:امس جي عالفجر ظهرت من الغرفه ويوم ردت كانت اصيح وتخربط في الكلام مادري شو تقول واليوم بعد ناشه من وقت
اتصد سلامه صوب عيسى:عيسى!!
عيسى:شو..ليش اطالعيني جي
سلامه:شاكه فيك..اكيد مسوي فيها جي
عيسى:والله مب مسوي فيها شي
سلامه:متأكد حط عينك بعيني
عيسى وهو مقيض:في حد يسوي شي في حبيبته!!
العنود وسلامه يشهقن:حبيبتك!!!!!!؟؟؟؟؟؟
عيسى:هيه حبيبتي..فيها شي حرام؟
سلامه:لا فديتك حلال الله ماحرمه
العنود: عاد مره وحده شمو ماغيرها
عيسى:ليش شو فيها؟؟
العنود: ألي اعرفه انها ما دانيك
عيسى:الواحد مايتغير
سلامه:يعني انت الي مصيحنها امس.. شو سويت بها؟؟
عيسى بعصبية:قتلج ما مسوي شي ولو ماسكتي بتشوفين شي ماشفتيه
دش غرفته ورقع الباب بالقو
العنود:بسم الله شو فيه جي مره وحده عصب
سلامه:شو دراني يالله ننزل تحت
نزلن تحت ولقن شما اطالع فلم ومند مجه فيه فدشت العنود:احم احم
زاقت شما حسبالها عيسو فعدلت يلستها:بسم الله
العنود:شفيج جي زقتي كنج شايفه يني
شما:عبالي اخوها عيسو هالهرم كل شوي ويا تيلس عندي بل الواحد ماياخذ راحته ... سلامه طالع عنود بنظرة وكل وحدة طالع الثانية وهي مستغربة
شما:بلاكن جي اطالعن بعض شو صاير ؟؟
سلامه:ولا شي .. ولا شي
شما:كيفكن المهم وين بوستي
العنود وسلامه يربعن عندها:وهاي بوستج
شما:فديتكن والله ...شو ماتبن ريوق ؟
سلامه:ماماتي نشت؟؟
شما:لابعدها راقدة
سلامة:غريبة هب من عوايدها
العنود:يمكن تعبانه ولا راحت عليها نومة
سلامه:يمكن ليش لا ...ميري ميري
ميري:نعم مام
سلامه:حطي ريوق حقي وحق عنود
ميري:انشالله ماماه .... حطولهن الريوق وسارن المطبخ يتريقن
-------------------------------
رن موبايل عيسى وكان ناسينه فالصالة ومحد كان يالس مناك غير شما جان تشيل الموبايل وفي خاطرها منو هاي الي متصلة حقه من الصبح ارد ولا مارد..وانا وشلي اصلا خليه يولي وتم يرن ويرن ويرن فطفرت منه جان تشيله وترد..
شما:الو السلام عليكم منو؟؟
------: وعليكم السلام انتي منو؟؟
شما بنت ماعليه انا برويها:انتي الي متصلة هب انا
------:مب ها رقم عواس
شما وهيه تقلدها:مب ها رقم عواس ..هيه رقمه شو تبين فيه
------:مايخصج بس انتي منو؟؟!
شما:بنت عمه وحبيبته عندج مانع ولو سمحتي ياريت لو تنسين الرقم وصاحبه
------:عطيني عواسي اباه
شما:مالت عليج وعلى عواسج انتي ماتفهمين يالله يالله باي ..وتسكر بويها
سارت شما عنده:عيسو افتح ابيك
فز قلبة من سمع صوتها وسار يربع يفتح الباب:هلا شما خير
شما:تلفونك كان يرن لين ماحترق ...وهي تعطيه رن مرة ثانية
عيسى:مــــشـــكورة
شما:كاهي حبيبة القلب متصلة ...وسارت عنه
عيسى:الو مرحبا
مريوم:مرحبتين
عيسى:هلا والله
مريوم:منو هاي الي ردت علي
عيسى بستغراب:منو؟؟(اكيد شمو ردت عليها)
مريوم:مادري أسأل عمرك عاط موبايلك حق منو؟
عيسى:مريومتي حبيبتي شفيج
مريوم:وحدة ردت علي قبل شوي وتمت تقولي اونه انا بنت عمه وحبيبته وياريت لو تنسين رقمه وصاحبه بعد
عيسى منصدم من الكلام الي يسمعه:قولي والله انها جي قالت ...بذمتج
مريوم:هيه صدق يعني انا بتبلى عالبنت وهي منو اصلا عسبت جي ترمسني و بهالاسلوب خلها تتعلم الادب وتحشم الناس عقب ترمسني ..
عيسى:تبين تعرفين هاي منو هاي شما شيخة البنات شيختكن كلكن ونفس ماقالتلج انسي الرقم وصاحبه..
مريوم:جي آخرتها وياك تفضلها علي انا ..انا الي حبيتك
عيسى:فديتها والله
مريوم:انزين هاي في شو احسن عني
عيسى:هاي لها اسم وهي احسن عنج بوايد أشيا وأقل شي انها بنت عمي
مريوم وهي تصيح:ماهقيت هالشي منك بعد هاي العشرة جي تهدني
عيسى وهي كاسره خاطره:خلاص حبيبتي لازم ننهي السالفة والعلاقه الي بينا
مريوم وهي تصيح بحرقة:ولك ويه تقول حبيبتي بعد
عيسى:هيه لانج كنتي صدق حبيبتي
مريوم:وشو الي تغير الحين والله اني احبك انت ليش تسوي فيني جي
عيسى:انا احبها ومااقدر اخونها وماصدقت انها ترضى علي
مريوم بحزن:يعني خلاص انتهى كل شي
عيسى:هيه انتهى كل شي
مريوم:مع السلامه ..وسكر عنها وهو مضايق لانه حس انه ظلمها وكانت وايد كاسره خاطره (والله اني احبج وعمري ما بفكر انساج بس سامحيني على الي سويته لاني احبها واموت فيها واكيد انتي مقدرة موقفي بس عمري مابنسى مواقفج ويايه،،لا انا جرحتها على حساب غيرها ليش انا جي سويت اووووف) قام سبح وكشخ وتلبس جان يتصل خليفة:هلا والله بوالشباب
عيسى:هلا وغلا مرحبابك زود
خليفة:شو بتي الحين؟
عيسى:وين
خليفة:عند الشباب اليوم الكل شارد من المدرسة
عيسى:اوكي بس انت وين وويا منو؟؟
خليفة:شدوي وعامر وسلوم وباقي الشلة ونحن في المول
عيسى:اوكي بس أي مول
خليفة:المارينا
عيسى:فالطريج ياينكم يالله وداعت الرحمن
خليفة:بــــــــــــــاااي
-------------------
ويوم ظهر من غرفته شاف امه توها ناشه
عيسى:صباح الخير يا احلى ملاك وراح باس راسها
ام سعيد:صباح النور وين ساير جي كاشخ من صباح الله
عيسى:ويا الربع
ام سعيد:ليش ماشي مدارس عندهم اليوم
عيسى:امبلا فيه بس شاردين
ام سعيد:الله يهديكم ..عيل وين خواتك
عيسى:قصدج اختي وبنات خالي
ام سعيد:ترا كلهن شرات خواتك
عيسى:يالسات تحت ..يالله امايه انا ساير تامريني على شي
ام سعيد:ما يامر عليك عدوو بس لا تتاخر عالغدى
عيسى:انشالله من عيوني
وهو نازل شافنه كاشخ وحالته لله سلامه:على وين
عيسى:مايخصج
العنود:انزين خبرنا ما بتخسر شي
عيسى:منو قالج بخسر وايد أشيا
شما بكل دلع واحتقار:ساير عند حبيبة القلب
عيسى وهو منقهر منها:هيه ساير عندها ليش عندج مانع متصلة فيني فديتها في حد ازعجها وجرحها بكلامه..
شما:الله يحفظك بسرعة سيرعن تتأخر عليها
عيسى:باي وظهر عنهن
اما سلامه وعنود زي الاطرش فالزفة مافهمن شي جان يرد مرة ثانية لانه نسى موبايلة ويوم دش الكل صد صوبه وكانت شمو تبحلق فيه ..
عيسى:نسيت موبايلي..سلوم شوي شوي على عيونج لايطيحن من مكانهن ..جان تصد شمو الصوب الثاني لانها عرفت انه يقصدها... سلامه شرات الهبله ما فاهمه شي
سلامه:هــــــــااا شو تقول انت!
عيسى:ولا شي دونت كير وظهر عنهن
العنود:صدق ان هالولد غريب
سلامه:صدقتي ياختيه
اما شما في عالم ثاني تقول في خاطرها(اكيد ساير عندها هالكشخة كلها لها من اتصلت فيه سار لبس وكشخ حقها مالت عليها وعلى حظي ..بس الصراحه شكله عذاب يخبل من وين يايب هالحلاة ما شالله عليه عيني عليه باردة)
ونزلت ام سعيد تحت وسلمن عليها ومر الوقت ولا حسن فيه ..اما عند عيسى :خلوف انت وين انا وصلت
خليفة:نحن فوق عند صالة البليارد
عيسى:انا الحين ياي
خليفة:اوكي يالله باي
عيسى:لا تم وياي عالخط
خليفة:عـــوااس
عيسى:والله اني احبك وبوله عليك وايد اذا سكرت
خليفة بستغراب:انت اليوم هب طبيعي اكيد فيك شي
عيسى:مافيني شي بس حرام اذا تميت وياك ع الخط
خليفه:لا الغالي حلال
جان اييه عيسو خط ثاني فكانت مريوووم
عيسو:اقول باي باي باي عندي خط
خليفه:طاع توك خلك وياي واحبك ومادري شو..والحين تبا اسكر
عيسى:عقب عقب ويلا باي..وسكر بويه
خليفه:الله ياخذك يا عيسو انا الي ماعندي سالفه عاطنك ويه واخرتها تسكر بويهي صدق حاله
عيسو:الووو
مريوم:الوو مرحبا
عيسو:مرحبتين..خير مريوم شو صاير
مريوم: سلامتك ليش؟؟؟
عيسو:غربيه متصله
مريوم:حزت في خاطري اخليك وانت مضايق
عيسو بستغراب خبري زعلانه مني: اهــاا..فديتج والله كل ها بعدج تفكرين فيني!!
مريوم:اكيد افكر فيك ان مافكرت فيك بفكر فمنو..لا تنسى انك حبيبي
(تبا تقردنه عشان ينسى شمو ويرد لها ...هههههههه)
عيسو:مريوم لا تنسين نحن عن شو رمسنا الصبح
مريوم:مانسيت بس مب قادره اتخيل اعيش من دونك
وصل عيسو صالة البليارد...
خليفه:اخيرا وصلت مابفيت
عيسو:اوص ماتشوفني ارمس فالتلفون!!
خليفه:اوكي بس خلاص بنسكت
مريوم:انزين خلني اتعود ع الفكره وع الوضع وعقب سوي الي تبا تسويه
عيسو:اقول حبيبتي مريومتي عقب ارمسج
خليفه:حبيبتي مريومتي..منو هاي بعد!!
عيسو:وداعت الله..وسكر عنها وهو يقول حق خلوف:شو ها بعد كل شوي ترمسني!!
خليفه:خلنا من ها كله قول منو هاي
عيسو:هاذيخ الي مره رمسيتها..وقتلك عنها
شادي:ياكثرهن
خليفه:اها تذكرتها..ام العنابي
عيسو:اهلين بو الشباب اخبارك شو الاعلوم وسار وايهه (خاشمه)
شادي:من صوبك تسرك اعلومي
خليفه:قومو انسير عند الشباب
شادي وعيسى:يلا سرنا
عيسو:مرحبا ملايين ولايسدن
عامر:هلا والله بشيخ المزايين
عيسو:اشكرك والله..اخجلت تواضعي
سلوم:هلا بالطش والرش وماي والورد فالغرس
عيسو:هلا وغلا..بس خلاص شووو كل ها ترحيب؟!
حمود:وينك اليوم ماشفناك فالمدرسه؟
عيسو:مستريح فالبيت احسن من مجابل اويوهكم
خليفه:افا افا
الكل:خلاص زعلنا
عيسو:حقكم علي خلاص كل واحد فربتشينو ع احسابي
سلوم:الله ع الزط واحد بنشربه كلنا
عيسو:زطي فعينك،قصدي كل واحد له ع حسابي
سلوم:لا ع خشمي، اذا جي اوكي
الشباب:هههههههه ـااااااااي
خليفه:الله يخلي العقول لأصحابها
عامر:صدقك والله خعخعخعخعخعخع
حمود:احمد ربك حد بيشتريلك ع احسابه انت تباها من الله
سلوم:عن الغلط حدك عاد
عامر:شوي شوي عن تاكلني..لهاي الدرجه انت يوعان!!؟؟
شادي:خخخخخخخ لا فديته سلوم هب اختصاصه اكل البشر
الشباب:هههه ـأي حلوه منك بس لا تعيدها
عيسو:قومو نلعب
خليفه:قبل شربنا الفربتشينو عقب بنلعب
عيسو:هههه اوكي...وهم طالعين من البليارد سمعوا حشرة شباب
سلوم:مب جنهم يضاربون؟؟!
عامر:تعالو انشوف شو صاير هناك
عيسو:مب جنه ها فصول!!وألي يضارب وياه عدوه اللدود سواف خخخخخخخخ
شادي:هيه والله شو سالفتهم هاييل!!
سارو عندهم ولقوهم يضاربون وتمو يحايزون من بينهم
عيسو:فصول شو صاير؟؟!!
فيصل:خلي هالهرم يقولك!!
سيف:انت الهرم
عيسى:اشك انكم رياييل ... يهال انتو يهال
فيصل وسيف:..............
عيسى:ارمسكم ليش ماتردون ...يعني الي تسوونه تشوفونه صح كل واحد أطول عن الثاني يضارب
شادي:والله حالتكم صعبه
عيسى:شو صاير
فيصل و سيف:............
عيسو:لا يكون مضاربين عشان وحدة
سيف:هيه ...ها اربيعك لا يرز فيسه مره ثانية
عامر:حشرة مع الناس عيد
خليفة:الحين كل هالحشرة عشان وحدة ماترزى
عيسى:هههههه طحتو من عيني رياييل اشكبركم تضاربون عشان بنت... يالله يالله مشو
شادي:صدق ماعندكم سالفه ...عبالنا شي
فيصل:اول اعرفو السالفه عقب ارمسو
عيسى:شو السالفه ياحظي
فيصل:يالس يلاحق البنت ويضايجها وهي تقوله لو سمحت مابي مشاكل وفضيحه ...اذا هو عادي عنده بس لا يرضاها على بنات الناس يحشم عالاقل
سيف:وانت شو يخصك صدق ماشي مذهب
فيصل:نفس ماارضاها على أختي ماارضاها على بنات الناس
سيف قاعد يقلده: نفس ما أرضاها على أختي ماارضاها على بنات الناس... سير لاه
عيسى:صدق انك وقح..زين مني محشمنك لان نحن في المول..ولا كنت علمتك كيف اتعامل الناس باحترام يابن.....................،للاسف طلعت ريال ما اضارب يهالو
سيف:انت الوقح..وشو قصدك بها الكلام يعني انا قليل الادب
عيسى:صراحتا هيه
سيف:محد غيرك قليل الادب يالكلب
عيسى مقيض عالاخير:الحجي عندك ضايع.. يبا يضربه لكن ربعه مسكوه
خليفه:عيسو بس خلاص هدي..يالله خلنا انسير خله يولي
عيسو وهو مقيض عليهم :يالله
سيف بحتقار:يالجبان ليش شردت!!؟؟
عيسو بعصبية:شكله يبا يضارب..انا الجبان.. يبا يضربه ومسكوه ربعه مره ثانيه
عيسو:هدوني..هدوني..خلوني اعلمه الادب
سيف:هههااي ضحكتني ...شلوه شلوه من جدامي
عيسو وفصول عفدو عليه وطاحو فيه طيحه جان يزخونهم الشباب وحايزوهم عن بعض
عيسى:انا الجبان ها...تفوه ع ويهك وسار عنه
سيف:انا برويك وين بتسير عني والله متحلفلك
عيسى:سير لا آخر زمن يهالو يهددون
فيصل:يالله سرنا خله يولي ........ وسارو عنه ....
عيسى:بعدكم تبون الفربتشينو
شادي:اذا لك بارض تعزمنا يالله سرنا
عيسى:اوكي
سلوم:على حسابك
عيسى:هيه على حسابي واذا انت بتدفع عادي ماعندي مانع
سلوم:لافديتك انت ادفع
الشباب:هههههههه انت تحفه
عيسى:الله ياخذه خرب كشختي .......... مالت عليه
وسار شربهم فربتشينو عقب سارو يكملو لعب فالبليارد..
وانشالله التكملة فالبارت الثالث
الرئيسية 
أحدث الصور 
التسجيل 
دخول 
